خدمة الاستلام

كتير من ملاك كومبوند جاردينيا و وصال مقيمين بالخارج أو مشغولين و مافيش وقت لمتابعة عملية تسليم و استلام الشقة 

في الأهرام للمقاولات فكرنا نقدم خدمة تشيل عبىء الإستلام عن العميل  يعني يسيبلنا عملية الإستلام كاملة و إحنا نوفر عليه المشاوير بلإضافة لخبرتنا داخل كومبوند جاردينيا اللي بتضمن للعميل عملية إستلام عالية الدقة

خدمة الإستلام بتمر بمرحلتين 

1 - مرحلة الملاحظات و دي بيقوم بيها فريق العمل من شركة الأهرام للمقاولات 

بنعمل اختبار للكهرباء و كل نقط الكهرباء في الشقة

إختبار و كبس السباكة

إختبار و كبس الصرف

ملاحظات الالوميتال

ملاحظات النقاشة

ملاحظات السيراميك

ملاحظات النجارة

و ملاحظات تانية بنوضحها للعميل في وقتها 

2 - بعد كتابة الملاحظات بنعمل منها 3 نسخ  

الاولى بيد العميل

التانية لمكتب التسليمات

التالتة لمندوب شركة المقاولات المنفذة للمشروع

3 - لما مكتب التسليمات بيكلمنا بعد الانتهاء من الملاحظات فريق الاهرام بيقوم بنفس المعاينة لمتابعة تنفيذ الملاحظات بجدية 

يعني الخدمة مقسمة لمرحلتين

الأولى كتابة الملاحظات و فحص الشقة

الثانية فحص  نهائي تمهيدا للإستلام

طيب لو انت حابب تستلم بنفسك  ؟؟ بسيطة تابع معانا 

ازاي تستلم شقتك ؟؟

بخطوات بسيطة هتقدر تستلم شقتك بنفسك

نبدأ بالكهرباء

هتجيب مفك تبست او شاحن او لمبة بدواية و هتجرب كل الفيش

هتتأكد من توصيل سلك التكييف للبلكونة و ده هتلاقيه جنب حامل التكييف

السيراميك

طبعا حاول ان الأرضية تكون نضيفة من التراب عشان تقدر تحدد لو في كسر في السيراميك

في الحمام هتفتح حنفية الغسالة وتشوف ميول السيراميك مظبوط ولا لا

هتشوف الفراغات اللي بين السيراميك مسقية كويس ولا لا

الألوميتال

هتشوف سلك الالوميتال

كاوتش الزجاج

السكاكات

والمرى بتاعت الضلف

وتتأكد انه مافيش كسر في الزجاج

السقف العلوي

ناخد بالنا من سقف الحمام و الطرقة و المطبخ لو في نشع او تغيير لو في السقف يبقى هنتواصل مع الجار العلوي لأنه كدة عنده مشكلة

النجارة

هنتأكد من القفل و الفتح

الأبواب مش مكسورة

إرتفاعها على السيراميك مظبوط

الدهانات

إعمل حسابك على إنك هتدهن بعد الإستلام بس لازم تختبر الدهانات

وإختبار الدهانات بيكون إنك بتجيب مقدار زجاحة مياة و تغرق بيها جزء من الحوائط و تشوف بإيدك لو الدهان عجن و طلع في إيدك يبقى ده مش دهان بلاستك و في غش حصل (سبيداج و غرا )

التنميل

هتشوف فواصل المباني مع الكمر و هل في تنميل ولا لا ومتقلقش علاج التنميل بسيط

الأدوات الصحية

هتتأكد إن الخلاطات ماركة واحدة عشان متغلبش في الصيانة مستقبلا

هتتأكد ان طقم الصيني (القعدة و الحوض ) مافيهمش كسر او شرخ

البيبة (الصفاية )

هتتأكد إن الصفاية مش أعلى من سيراميك الحمام

هتفتح الصفاية و تتأكد انه مافيش فراغ أو مساغة بين غطا الصفاية و البيبة نفسها عشان الفراغ ده بيعمل تسريب بين السيراميك

كبس السباكة

هتستعين بسباك يكبس مواسير التغذية عشان تتأكد إنه مافيش تسريب

الصرف

هتملى البانيو و تشغل الحنفيات فترة متقلش عن ربع ساعة

هتملى صندوق القعدة كذا مرة و تفتح و تتأكد إنه مافيش تسريب خلف القعدة او في الصرف الخارجي في المنور

ولو حابب إننا نقوم بالخدمة دي نيابة عنك كلمنا

متضيعش وقتك وخلى الأهرام تساعدك✅👍

احجز من هنا ⬇️⬇️

https://www.ahramegypt.com/1

وممكن تحجز من هنا

https://wa.me/p/8045720895470237/201013312835 

تكلفة خدمة الاستلام داخل كومبوند جاردينيا  500 جنيه 

و خارج جاردينيا 700 جنيه 

الفيلات و الدوبلكس 1000 جنيه