استفسارات جاردينيا

اتجاهات جاردينيا

كتير ميعرفوش الاتجاهات داخل جاردينيا , البحري و الغربي و الشرقي و القبلي

الصورة دي بتوضح الاتجاهات قدر الامكان

اجراءات البيع

البيع وفقا لقرار صندوق الإسكان لا يتم الا بعد عامين من التعاقد و أي بيع بيتم حاليا هو بشكل ودي و لكن بعض المحامين بياخدوا بعض الإجراءات الل الى حد ما بتضمن حق المشتري 

لكن المشكلة هتحصل في حالة لا قدر الله وفاة البائع 

ايجار الشقق

التأجير حاليا بردو بشكل ودي لأن التأجير لازم يتم بعلم صندوق إسكان القوات المسلحة المالكة للكومبوند

اسعار الايجار  حاليا من 3000 جنيه ل 4500 جنيه و طبعا دا رقم قليل جدا لمكان بنفس الإمكانيات دي

أسهل طريق لتأجير شقتك هي أوليكس  OLX

لو هتأجر عن طريق سمسار فالعمولة من نصف شهر لشهر كامل

الدور الأرضي سعره أعلى في الإيجار

لو الشقة فيها تشطيبات السعر بيزيد

السادس سعره أقل

هل توجد حصة في الأرض ؟

نعم للملاك حصة في الأرض و مثبتة بالعقود

المرافق 

الكومبوند متكامل المرافق بس في حاجات لازم تعرفها

الغاز تابع لشركة تاون جاس و سعر التعاقد 5000 جنيه و تقدر  تتعاقد في عمارة 63 داخل الكومبوند 

الكهرباء و المياة تابعين لشركة مدكور و تقدر تتعاقد في عمارة 79 و قيمتهم 18000 جنيه مع وجود امكانية للتقسيط على 18 شهر 

الغاز ليه تطبيق موبايل 

و الكهرباء و المياة ليهم تطبيق  اسمه ايوميتر  تقدر تشحن من خلاله و تتابع رصيدك و استهلاكك

لاحظ ان اسعتر المرافق بنفس سعر الدولة 

ملحوظة الى اليوم مافيش شبكة تليفونات ارضية 

ارقام العمارات

ارقام العمارات في كومبوند جاردينيا صعبة شوية بس موجود رابط لخريطة الكومبوند بأرقام العمارات

مساحات الشقة من الداخل

من المفترض ان مساحة الشقق في جاردينيا واحدة 120 متر لكن الصافي تقريبا بيكون 95 متر تقريبا

دي المساحات الفعللية و بتختلف من عمارة للتانية فروقات بسيطة جدا

هل توجد خدمات داخل جاردينيا ؟

الكومبوند مصمم بشكل كويس جدا خدميا

يعني هتلاقي 11 منطقة خدمات كل منطقة مكونة من 4 محلات خدمية + حضانة

كمان هتلاقي مول مكون من 122 محل و مساحة ادارية

يعني تقدر تقول الكومبوند مكتفي ذاتيا

الرسم الداخلي للشقق 

مين المسئول عن النظافة و الأمن في الكومبوند ؟

تقوم بأعمال الأمن و النظافة شركة إدارة التابعة لبنك التعمير و الإسكان ويمتاز المشروع بالأمن العالي جدا و النظافة 

ازاي اقدر اشطب شقتي وهل مطلوب تصاريح ؟

تقدر تشطب شقتك بعد الحصول على التريح اللازم من شركة غدارة في عمارة 63  حيث يتم دفع مبلغ تأمين وفدره 5000 جنيه كتأمين أعمال مسترد بعد إنتهاء الأعمال و التأكد من عدم وجود مخالفات

ويتم دفع مبلغ 1000 لمرة واحدة قيمة رفع المخلفات و مدته 14 يوم 

بتشحنوا كهرباء و مياة ازاي ؟

عن طريق ابلكيشن ايوميتر    Iometer

تربية الكلاب ممنوعة ولا مسموح بيها في الكومبوند ؟

مسموح بتربية الكلاب وفق هذه القواعد

هل من الممكن تغيير باب الشق؟

يمكن تغيير باب الشقة لباب مصفح على ان يكون اللون بني

ايه اللي بيتم بعد دفع جدية الحجز؟

بعد انتهاء عملية الحجز بالمرحلة سيتم الإتصال بك لتحديد موعد لتخصيص و اختيار الوحدة السكنية المناسبة لك

سيتم عرض عدة اختيارات عليك لتستقر على الشقة المناسبة

بعد التخصيص سيتم الاتصال لتوقيع العقود و دفع التعاقد و اصدار دفتر الشيكات بعدد الاقساط

بعد التوقيع سيتم الاتصال بك لإستلام العقد ثم تنتظر دورك في التسليم , لكل عمارة دور في التسليم و ستجد الكشف بعمارة 379 بالقرب من بوابة الزهراء

ثم تبدأ مرحلة التسليم و مبروك عليك

مساحة الجاردن 

تختلف مساحة الجاردن في بعض العمارات لكن المساحة الوحيدة الثابتة هي الطول فهي تتضمن الريسبشن و الغرفتين حوالي 11 متر , يمكننا القول ان مساحة الجاردن تتراوح مابين 40 ل 50 متر

الفرق بين استلام الشقة و استلام العمارة

ناس كتير بتخلط ما بين استلام الشقة و استلام العمارة 

استلام الشقة يعني تستلم الشقة داخليا و ده بيتم من بعد التعاقد  لكن استلام العمارة هو كل ما هو خارج باب الشقة يعني :-

مداخل

اسانسير

سلالم

نضافة

دش مركزي 

وده بيكون من قبل شركة إدارة EDARA  وده بمواعيد لكل عمارة ,